Монгол Улсын Засгийн газрын олон улсын зах зээлд гаргасан ам.долларын бондуудын ханшийн уналт үргэлжилж байна.

Ойрх Дорнодын дайн тав дахь долоо хоногтоо үргэлжилж буй нь бүх төрлийн хөрөнгө оруулалтад дарамт болж байгаа юм. Хэдий тийм боловч Дональд Трампын Ирантай яриа хэлэлцээ хийж байгаа гэх мэдэгдлүүд макро орчин сайжирна гэсэн найдлага бий болгож, зах зээлийг харьцангуй тогтворжуулж байна.

Монгол Улсын Ерөнхий сайд солигдохтой зэрэгцээд Засгийн газрын бондуудын ханш хурдацтай унаж байна. Өнгөрсөн онд гүйцэтгэх засаглал солигдоход ч мөн адил богино хугацаанд унаж, удалгүй эргээд сэргэж байв. Харин энэ удаад макро орчин хэсэг хугацаанд бондуудын ханшид дарамт учруулсаар байх төлөвтэй байна.