(Bloomberg) -- “OpenAI” компани венчур хөрөнгө оруулагчдаас 10 тэрбум ам.долларын нэмэлт санхүүжилт татах хэлцлийн эцсийн шатанд хүрснээ мэдээллээ. Ингэснээр хамгийн сүүлийн санхүүжилтийн үе шатаар татан төвлөрүүлсэн нийт хөрөнгийн хэмжээ нь 120 тэрбум ам.доллар давахаар байна.

Шинэ хөрөнгө оруулалтыг “Andreessen Horowitz” болон Абу Дабигийн томоохон сангууд хамтран удирдана. Хэлцлийг ирэх долоо хоногт хаахаар төлөвлөжээ.

“Microsoft” компани энэ шатанд оролцож, стратегийн түншийн байр сууриа бататгаж буй. Мөн “Coatue Management”, “Thrive Capital” болон “Altimeter Capital” зэрэг компани оролцож байна. Энэхүү санхүүжилтийн үе шатаар компанийн зах зээлийн үнэлгээ нь 730 тэрбум ам.доллар хүрнэ гэж тооцоолжээ.