(Bloomberg) -- Гал зогсоох талаар мэдээлэл гарсны дараа WTI төрлийн газрын тосны үнэ тав хүртэлх хувиар буурч, баррель нь 88 ам.доллароос доогуур түвшинд орж ирлээ. Ингэснээр өмнөх өдрийн өсөлтөө ихэнхийг нь алдаад байна.

Харин брент төрлийн газрын тосны үнэ зургаа орчим хувиар буурч, баррель нь 98 ам.доллароор арилжаалагдаж байна.

Дөрөв дэх долоо хоногтоо үргэлжилж буй дайны улмаас зах зээл өндөр савлагаатай байгаа ч энэ сард түүхий эдийн үнэ мэдэгдэхүйц өсөх төлөвтэй байна. Ойрх Дорнодын дайн эхэлснээс хойш үнэ 30 орчим хувиар өсөөд буй.

Ормузын хоолойн тасалдал үргэлжилж, нийлүүлэлтийн сүлжээнд эрсдэл нэмэгдэж байгаа энэ үед “Goldman Sachs” сүүлийн хоёр долоо хоногийн хугацаанд хоёр ч удаа газрын тосны үнийн төсөөллөө нэмэгдүүлээд байна.