(Bloomberg) -- Ормузын хоолойгоор дамжих тээвэрлэлт зогссоноор Азийн газрын тос боловсруулах үйлдвэрүүд Ойрх Дорнодоос бусад бүс нутгаас авах түүхий эдийн импортоо эрчимжүүлж байна.

Нийлүүлэлтийг таслахгүйн тулд үнийн зөрүү огцом нэмэгдсэн ч үйлдвэрүүд үүнийг төлөхөд бэлэн байгааг эх сурвалжууд мэдээллээ. Тухайлбал: Ойрх Дорнодын мөргөлдөөн эхэлснээс хойш олон улсын жишиг брент төрлийн газрын тос болон Ойрх Дорнодын жишиг Дубай газрын тосны үнийн зөрүү эрс өсөөд байгаа аж.

БНХАУ, БНСУ, БНЭУ, Тайландын үйлдвэрүүд сүүлийн үед яаралтай нийлүүлэх нөхцөлтэйгөөр сая сая баррель газрын тос худалдан авч байгааг арилжаачид онцолж байна. БНСУ-ын “GS Caltex” зургаадугаар сард хүлээн авах нөхцөлтэйгөөр АНУ-аас дөрвөн сая баррель газрын тос авсан бол Энэтхэгийн “Hindustan Petroleum” дөрөвдүгээр сард ачих яаралтай нийлүүлэлтийн тендер зарлажээ.

Түүнчлэн Тайландын томоохон үйлдвэр “Trafigura” компаниас гуравдугаар сарын эцсээр ачих 700 мянган баррель газрын тос худалдаж авсан нь 2019 оноос хойших анхны тохиолдол болж байна.