(Bloomberg) -- “Netflix” компани “Warner Bros. Discovery”-ийг худалдан авах хэлэлцээрээс гарахаар болсноо хоёрдугаар сарын 26-нд мэдээлсэн нь Холливудын ​хувьд гэнэтийн шийдвэр боллоо.

Тус компани өнгөрсөн оны 12 дугаар сард “Warner Bros. Discovery”-ийн студи болон “HBO Max” стриминг бизнесийг худалдаж авахаар тохиролцсон юм. “Netflix”-ийн Гүйцэтгэх захирлуудын нэг Тед Сарандос Цагаан ордонд хэд хэдэн удаа хэвлэлд ярилцлага өгч, хэлэлцээрийн талаар мэдээлж байсан юм. 

Тед Сарандос сүүлд “Bloomberg News”-т өгсөн ярилцлагадаа “Хэлцэлтэй холбоотой хоёр компанийн тавьсан саналуудыг үнэлж үзсэний эцэст хэлцлээс гарах шийдвэр аль хэдийн гаргасан байсан” гэж мэдээлжээ.

Тус компанийн өрсөлдөгч “Paramount Skydance” компани “Warner Bros. Discovery”-ийг худалдан авахын тулд хэдэн арван тэрбум ам.доллар зээлж байгаа аж. Ингэснээр “Paramount Skydance” зардлаа бууруулж, олон  мянган ажлын байраа цомхотгоход хүрэх болно гэж Тед Сарандос байр сууриа илэрхийлсэн байна.