“Төрийн банк” ХК 2025 оны IV улиралд ногоон зээлийн багцаа бараг хоёр дахин нэмэгдүүлснийг тус компанийн Гүйцэтгэх захирлын орлогч Х.Лхагвасүрэн “Earnings Calls”-д оролцох үедээ мэдээлсэн байна. Тухайлбал: 2025 оны эцэст ногоон зээлийн хэмжээ нь 116.9 тэрбум төгрөг хүрч өсжээ.

IV улиралд “Төрийн банк” ХК  олон улсын зах зээлд 200 сая ам.долларын бонд гаргаж, үүний 50 сая ам.долларыг тогтвортой хөгжил болон ногоон зээлийн чиглэлд зарцуулахаар төлөвлөсөн байна. Үр дүнд нь тухайн чиглэлд олгох зээлийн эх үүсвэрээ хангалттай бүрдүүлж чадсан ба нийгмийн болон ногоон зээл нийт 384.6 тэрбум төгрөг хүрч, оны эхний улирлаас хоёр дахин өссөнийг тэрбээр онцоллоо.