Австралийн Хөрөнгийн биржид бүртгэлтэй “TMK Energy” компани 100 хувь эзэмшдэг, нүүрсний давхаргын метан хийн "Гурвантэс XXXV" төслөөсөө өдөрт 720 метр куб хий олборлож, дахин шинэ дээд амжилт тогтоолоо. Энэ нь төслийн хувьд чухал, төлөвлөгөөний дагуу ахиц болж байна.

Дээрх мэдээллийн дараа тус компанийн хувьцааны ханш 4.35 хувийн өсөлттэй, Сиднейн арилжааг угтлаа. Харьцангуй тогтвортой байсан “TMK Energy”-ийн хувьцааны ханш сүүлийн таван өдөрт 20 хувиар өссөн байна.

“Lucky Fox-07” цооног нь хамгийн өндөр гүйцэтгэлтэй байж, тогтвортой өсөлтөө хадгалж чаджээ. Туршилтын явцад хийн төвлөрөл, усны түвшнийг бууруулах "хийн десорбци" ажиглагдаж эхэлсэн нь нэн чухал дэвшил болж байна.

“TMK Energy”-ийн хийн олборлолт нэмэгдэж, өсөх тренд үргэлжилж буй энэ үед төлөв байдлыг болгоомжтой, өөдрөгөөр төсөөлж байгааг тус компанийн Гүйцэтгэх захирал  Дугал Фергусон мэдэгдсэн байна.