(Bloomberg) -- Лхагва гарагийн арилжаагаар ам.долларын ханш суларсантай зэрэгцэн юань зэрэг Азийн валютууд сүүлийн 16 сарын дээд түвшинд хүрч чангарлаа.

“Bloomberg Asia Dollar Index” 0.2 хувиар өсөж, 2024 оны аравдугаар сараас хойших дээд түвшинд хүрээд байна.

АНУ-ын тариф, төсвийн бодлоготой холбоотой тодорхойгүй байдал нь ам.доллар, АНУ-ын Засгийн газрын бондын ханшийг сулруулж байгаагаас Азийн хөгжиж буй орнуудын валютууд чангарч байна.

Хөгжиж буй орнуудын хөрөнгийн зах зээл энэ онд 13 орчим хувиар өссөн нь “S&P 500 Index”-ийн нэг хүрэхгүй хувийн өсөлттэй харьцуулахад илт давуу үзүүлэлт юм.

Үүнийг дагаад хөрөнгө оруулагчдын итгэл ч сэргэж байгааг шинжээчид онцолж байна. Тухайлбал: хөгжиж буй орнуудын хөрөнгөөр баталгаажсан сангууд 18 долоо хоног дараалан цэвэр орлого татан төвлөрүүлж, оны эхнээс хойш нийт 32.7 тэрбум ам.доллар төвлөрүүлээд байгаа аж.