(Bloomberg) -- БНСУ-ын хэрэглэгчийн итгэлийн индекс хоёрдугаар сард өсөж, 112.1 нэгж хүрснээр өнгөрсөн оны 11 дүгээр сараас хойших дээд түвшинд хүрснийг тус улсын Төв банк мэдээллээ. Хагас дамжуулагчийн экспорт болон дотоодын хөрөнгийн зах зээлийнх нь идэвх эрчимжсэн нь гол түлхэц болсон байна.

БНСУ-ын хөрөнгийн зах зээлийн жишиг “KOSPI Index” өмнөх оны мөн үетэй харьцуулахад хоёр дахин өссөн үзүүлэлттэй байна. Ялангуяа хагас дамжуулагч нийлүүлэгч “Samsung Electronics” болон “SK Hynix” компанийн хувьцааны ханшийн өсөлт гол дэмжлэг болсоор байгаа аж.

Харин тайлант хугацаанд тус улсын үл хөдлөх хөрөнгийн зах зээлд хэрэглэгчийн итгэл эсрэгээрээ суларсан үзүүлэлттэй гарлаа. Засгийн газрынх нь зүгээс тухайн салбарын хэт халсан эрэлтийг тогтворжуулах зорилготой арга хэмжээг авч буй нь нөлөөлжээ. Тухайлбал: олон тооны орон сууц эзэмшдэг хүмүүст олгох татвар хөнгөлөлтийг удахгүй цуцалж магадгүй гэсэн хүлээлт зах зээлд бий болоод байгаа юм.