(Bloomberg) -- “Codelce” компанийн Чили дэх хамгийн том уурхайд гарсан ослын улмаас зэсийн гарц нь ойрын хэдэн жилд одоогийн түвшинд хадгалагдах төлөвтэй байгааг мэдээллээ.

“El Teniente” уурхайн үйлдвэрлэл 2030 он хүртэл жилд 300 мянга орчим тонн байх төлөвтэй гэж тус компани баасан гарагт мэдээлсэн байна. Тус уурхайн зэсийн гарц 2024 онд 356 мянган тонн байсан аж.

Харин өнгөрсөн оны долоодугаар сард болсон дэлбэрэлтийн улмаас зургаан хүн нас барж, компанийг гүний уурхайн олборлолтын төлөвлөгөөгөө эргэн харахад хүргэсэн юм.

Томоохон далд уурхайн үйлдвэрлэл зогсонги байдалд орох төлөвтэй болсон нь зэсийн үнэ дээд түвшинд хүрэхэд нөлөөлсөн нийлүүлэлтийн хомсдолын эрсдэлийг нэмэгдүүлж байна.