“Мандал даатгал” ХК-ийн цэвэр ашиг 57.1 хувиар өссөн үзүүлэлттэй гарлаа. 2025 онд нөхөн төлбөрийн зардал нь өндөр дүнгээр нэмэгдсэн хэдий ч “Мандал даатгал” компани ашигт ажиллагаагаа нэлээд хэмжээгээр нэмэгдүүлж чадсан байна.

Аудитлагдсан санхүүгийн тайлангаас харвал өнгөрсөн оны цэвэр ашиг нь 13.1 тэрбум төгрөг хүрчээ. Харин үйл ажиллагааны ашиг нь 28 хувиар нэмэгдэж, 27.5 тэрбум төгрөг хүрсэн нь сүүлийн жилүүдэд даатгалын салбар сэргэж байгаа дүр зургийг харуулж байна.

Түүнчлэн тус компани хөрөнгө оруулалтаа 28 тэрбум төгрөгөөр эрс нэмэгдүүлж, 77 тэрбум төгрөг хүргэжээ. Үүнээс тайлант хугацаанд 9.5 тэрбум төгрөгийн өгөөж хүртсэн нь онцлох үзүүлэлт болж байна.