(Bloomberg) -- 2026 онд БНХАУ-ын нүүрсний импорт 465 сая тонн болж, буурах төлөвтэйг тус улсын Нүүрсний тээвэр, түгээлтийн холбоо (China Coal Transportation and Distribution Association) мэдээллээ. Гурван долоо хоногийн өмнө 480 сая тонн байна гэсэн таамгийг танилцуулж байсан юм.

Индонез улс түүхий эдийн үнийг өсгөх зорилгоор БНХАУ-д нийлүүлэх нүүрсний экспортод хязгаарлалт тогтоосонтой зэрэгцээд Бээжин дотоодын олборлолтдоо илүү анхаарч эхэлж байна. Хэдийгээр уур амьсгал болон уурхайн аюулгүй байдалтай холбоотой сорилтууд тулгарсан ч БНХАУ-ын нүүрсний олборлолт 2025 онд 4.8 тэрбум тонн буюу дээд түвшинд хүрсэн юм.

Харин энэ онд нийт олборлолт нь 4.86 тэрбум тонн орчим байх ч импорт буурвал түүнээс илүү түвшинд өсөх боломжтой гэж үзжээ. 

Хэрэв Индонезийн бүтэн жилийн олборлолт 700 сая тонноор буурвал олон улсын нийлүүлэлтэд томоохон сорилт болохыг шинжээчид анхааруулж байна. Өнгөрсөн онд Индонез улс БНХАУ-ын нүүрсний нийт импортын 40 орчим хувийг бүрдүүлжээ.