Ашигт малтмалын тухай хуулийн нэмэлт өөрчлөлтөд АМНАТ тооцох аргачлалыг шинэчилж, зэсийн баяжмалд суурь таван хувь, зах зээлийн үнийн өсөлтийн түвшнээс хамаарч таван хувийн роялти нэмж ногдуулахаар тусгалаа.

Одоогийн 20 орчим хувийн АМНАТ нь зэсийн томоохон төслүүд хөдлөхөд хүндрэлтэй байгааг салбарынхан тодотгож байна.

“Ernst & Young”-ийн судалгаанд одоогийн хууль эрх зүйн орчноор 2050 он гэхэд уул уурхайн салбарт хөрөнгө оруулалт орохгүй. Харин татварын хувь хэмжээг бууруулснаар хөрөнгө оруулалт нэмэгдэх боломж байгааг онцолсныг салбарын яам мэдээлсэн юм.

Үүнээс гадна хуулийн нэмэлт өөрчлөлтөд ашигт малтмалын нөөц ашигласны төлбөрийн 20 хувийг төсөл хэрэгжиж буй сумд, 10 хувийг аймагт нь хуваарилахаар тусгаад байна.

Түүнчлэн хайгуулын тусгай зөвшөөрөл олгох процессыг хялбарчилж, өргөдөл болон сонгон шалгаруулалтаар олгох сонголт бий болгоно. Чухал ашигт малтмалын жагсаалт батлах зэрэг нэмэлт өөрчлөлт тусгасныг танилцууллаа.