(Bloomberg) --  “Rio Tinto” компани салбарын өрсөлдөгч “Glencore”-ийг худалдан авах мега хэлцлээсээ ухарснаар дэлхийн хамгийн том уул уурхайн компани байгуулагдах нэгдэл биеллээ олсонгүй.

“Glencore”-ийг худалдан авах үнэ, үнэлгээнд тохиролцоонд хүрч чадаагүй нь хэлцлийн гол саад байжээ. Ийнхүү “Rio Tinto” өрсөлдөгчөө худалдан авах санал гаргах бодолгүй байгаагаа мэдэгдсэн байна.

Эх сурвалжуудын мэдээлснээр “Glencore” нэгдсэн компанийн 40 орчим хувийг хувьцаа эзэмшигчдэдээ олгох эрхийг шаардсан нь “Rio Tinto”-ийн хувьд хүлээн зөвшөөрөх боломжгүй байжээ.

“Rio Tinto” 157 тэрбум ам.доллар, харин “Glencore” 76 тэрбум ам.долларын үнэлгээтэй байгаа юм. Тиймээс нэгдсэн компанийн 40 хувийг авах нь хэт өндөр дүн гэж дүгнэсэн байна.

“Ирээдүйд дахин хэлэлцээр эхлэх боломж бүрэн хаагдаагүй ч одоогийн суурь хувилбар бол биш. “Rio Tinto” дангаараа явна” гэж “Jefferies”-ийн шинжээч онцолжээ. 

Хэлцэл бүтэлгүйтсэнээр харьцангуй сайн өсөлттэй байсан “Glencore”-ийн хувьцааны ханш 11 гаруй хувиар унасан бол “Rio Tinto”-ийн хувьцааны ханш түүхэн дээд түвшнээсээ буурсан хөдөлгөөнтэй байна.