(Bloomberg) -- БНХАУ-ын хөрөнгө оруулагчдын худалдан авалт таваарын зах зээлийн түүхэн дэх хамгийн огцом савлагаануудын нэгийг өдөөж, зэсийн үнэ сүүлийн 16 жилийн дээд дүнгээр өслөө.

Пүрэв гарагт Лондоны Металлын биржид зэсийн үнэ 11 хүртэлх хувиар өсөж, тонн нь 14,500 ам.доллар хүрсний дараа эргэн буурсан байна.

БНХАУ-ын хөрөнгө оруулагчид алт, мөнгө, зэс гээд бүхий л металлын өсөлтийн давлагаанаас хоцрохгүйг хичээж, худалдан авахаар яарсан нь энэхүү өсөлтөд түлхэц болжээ. Ингэснээр зэсийн үнэ 12 дугаар сарын эхнээс хойш 21 орчим хувиар өсөөд байна.

"Зах зээлийн ийм нөхцөл амьдралд ганц тохионо. Нийлүүлэлтийн дахин нэг саатал гарвал зэсийн үнэ 20 мянган ам.доллар хүрэхээр байна" хэмээн “Trafigura Group”-ийн арилжаалагч асан Марк Томпсон онцолжээ.

Голлох металлууд бүгд ам.доллароор үнэлэгддэг тул сүүлийн өдрүүдэд долларын ханш суларсан нь ашигтай тусаж байгаа юм. Харин таваарын үнэтэй нягт уялдаатай австрали долларын ханш ес дэх өдрөө дараалан чангарсан байна.