(Bloomberg) - Японы Ерөнхий сайд Санаэ Такаичи ням гарагт хийсэн мэдэгдэлдээ “Ханшийн уналтыг таслан зогсоох чиглэлд шаардлагатай бүх арга хэмжээ авна” гэж анхааруулсан байна.

Ийнхүү интервенц хийх хүлээлт зах зээлд нэмэгдсэнтэй зэрэгцээд иений ханшид огцом өсөлт ажиглагдав. Сүүлийн байдлаар ам.долларын эсрэг 0.8 хувиар чангарснаар спот ханш нь 154.43-ийн түвшинд тогтлоо. Энэ нь сүүлийн нэг сар гаруйн хугацааны дээд түвшин болж байна. 

Нью-Йоркийн Холбооны Нөөцийн банкны зүгээс санхүүгийн байгууллагуудтай холбогдож, иений ханшийн хөдөлгөөнтэй холбогдох мэдээлэл цуглуулсан талаар эх сурвалж мэдээлжээ.

Үүнээс гадна Японы Сангийн сайд Сацүки Катаяма болон АНУ-ын Сангийн сайд Скотт Бессент нар ойрын хугацаанд идэвхтэй харилцаатай байгаа нь Япон улс  болон АНУ хамтран интервенц хийх хүлээлтийг нэмэгдүүлж байгаа талаар салбарын шинжээчдийн зүгээс тодотгож байгаа юм.