Зэс болон төмрийн хүдрийн боловсруулалт нь шинжээчдийн таамгийг давсны дараа энэ долоо хоногийн дундуур “Rio Tinto” компанийн хувьцааны ханш Лондоны Хөрөнгийн биржид 5.2 хүртэлх хувиар эрчимжсэн нь 2022 оны 11 дүгээр сараас хойших огцом өсөлт боллоо. Харин пүрэв гарагийн арилжаагаар дээрх өсөлтийн талыг нь алдаж, 2.3 хувиар буурч хаагджээ.

2025 онд “Pilbara” уурхайгаас ачсан төмрийн хүдрийн хэмжээ 91.3 сая тонн хүрч, шинжээчдийн таамгийг 4.1 хувиар давж биелүүлсэн юм. Түүнчлэн зэсийн гарц төсөөллөөс 8-10 хувиар давсан нь голлон “Оюу Толгой” уурхайн олборлолт нэмэгдсэнтэй холбоотойг “Morgan Stanley”-ийн шинжээчид онцолсон байна.

 2028-2036 оны хооронд “Оюу Толгой” ордоос жилд 500 мянган тонн зэс олборлох зорилт төлөвлөгөөний дагуу хэрэгжиж байгааг дурдаад буй.

Үүнээс гадна бусад уул уурхайн гол бүтээгдэхүүний олборлолт эрчимтэй явагдаж байгаа нь тус компанийн хувьцааны ханшид дэмжлэг болохоор байгаа юм. “BMO Capital”-ийн шинжээчдийн зорилтод ханш нь одоогийн ханшаас 12 орчим хувиар өндөр байгаа бөгөөд “Glencore”-той нэгдэх хэлцэл ойрын хугацаанд анхаарах гол сэдэв хэвээр байгааг мэдээлсэн байна.