Монголбанкны Мөнгөний бодлогын хорооны ээлжит бус хурлаар бодлогын хүүг хэвээр үлдээсэн ч банкнуудад тавигдах шалгуур үзүүлэлтэд өөрчлөлт оруулж, хэрэглээний зээлийн өр, орлогын харьцааг 45 хувь болгон нэмэгдүүллээ. 

Мөн банкнуудын төгрөг болон валютын заавал байлгах нөөцийн хувь хэмжээг нэг нэгж хувиар нэмэгдүүлж, харгалзан 14 хувь болон 19 хувь болгосон байна.

Эдийн засгийн өсөлт өмнөх оны эхний 11 сарын байдлаар 6.4 хувьтай гарсан бөгөөд тухайн хугацаанд зээлийн жилийн өсөлт 21 хувь байсан. "2025 оны туршид мөнгөний хатуу бодлого үргэлжилсэн ч цаашид хэрэглээний зээлийн өсөлт инфляц нэмэгдэх гол хүчин зүйл болж буй"-г Монголбанкны Ерөнхийлөгч С.Наранцогт онцоллоо.  

Мөн хэрэглээний зээлийн өсөлт нь бизнесийн зээлд шаардлагатай эх үүсвэрийг бууруулах, импортыг тэтгэж, ханш, төлбөрийн тэнцлийн дарамтыг нэмэгдүүлэх нөлөөтэй гэж үзжээ. 

Монголбанкны Ерөнхийлөгч С.Наранцогт

Монголбанкны Мөнгөний бодлогын газрын захирал Б.Баярдаваа