(Bloomberg) -- Украины дайныг санхүүжүүлэхэд чухал үүрэгтэй ОХУ-ын газрын тос, байгалийн хийн салбараас олох орлого сүүлийн таван жилийн доод түвшинд хүрч, буураад байна.

Өнгөрсөн онд ОХУ-ын улсын төсөвт 8.48 их наяд рубль буюу 108 тэрбум ам.доллар газрын тос, байгалийн хийн татварын орлогоос нь төвлөрчээ. Энэ нь 2024 оныхоос 24 хувиар буурсан үзүүлэлт төдийгүй 2020 оноос хойших доод түвшин болсныг тус улсын Сангийн яамны дата үзүүлэлтэд суурилсан “Bloomberg”-ийн тооцооллоос харж болохоор байна.

Газрын тосны үйлдвэрлэлээр тэргүүлэгч гурван орны нэг, байгалийн хийн хамгийн баялаг нөөцтэй тус улсын төсөв түүхий эдийн гол хоёр салбарынхаа татварын орлогоос ихээхэн хамааралтай байдаг.

Өнгөрсөн онд газрын тосны үнэ суларснаас гадна рублийн ханш чангарсан, ОХУ-ын эрчим хүчний бүтээгдэхүүний экспортод барууны орнууд хориг тавьсан зэрэг нь голлон нөлөөлжээ.

ОХУ-ын газрын тосны татварын орлого жилийн дүнгээр 22 гаруй хувиар буурч, 7.13 их наяд рубль болж суларсан нь 2023 оноос хойших доод түвшин болж байна.