(Bloomberg) -- БНСУ-ын Төв банк шинжээчдийн таамаглаж байсны дагуу бодлогын хүүг 2.5 хувьд хэвээр үлдээлээ. Ийнхүү долоо дахь удаагаа дараалан бодлогын хүүг хэвээр үлдээж байна. Мөнгөний бодлогын хорооны зургаан гишүүний тав нь бодлогын хүүг ирэх гурван сард тогтвортой хадгалах хүлээлт өндөр байгааг мэдээлжээ.

Үүнээс өмнө АНУ-ын Сангийн сайд Скотт Бессент воны ханшийн уналтын талаар өөрийн цахим хуудас дахь мэдэгдэлдээ дурдсаны дараа воны ханш бага зэрэг сэргэсэн юм.

АНУ-ын Сангийн сайд БНСУ-ын Сангийн сайд Ку Юн Чолтой даваа гарагт хийсэн уулзалтынхаа талаар өөрийн цахим хуудсаараа дамжуулан мэдээлсэн байна. Тэрбээр мөн энэ долоо хоногийн эхээр Японы Сангийн сайдтай хийсэн хэлэлцүүлгийн үеэр валютын ханшийн хэлбэлзлийн талаар ярилцсан гэж дурджээ.

Сүүлийн есөн сарын хугацаанд ам.долларын ханш ихэнх гол валютуудын эсрэг суларсан ч энэ хугацаанд иений ханш есөн давж, воны ханш гурав орчим хувиар суларсан байна.