(Bloomberg) -- АНУ-ын Ерөнхийлөгч Дональд Трампын бодлогын улмаас геополитикийн хурцадмал байдал үүсээд буй ч АНУ-ын эдийн засгийн тогтвортой байдал ам.долларын ханшийг дэмжиж байна. Арилжаанд оролцогчид Холбооны Нөөцийн банк бодлогын хүүгээ бууруулснаар ам.долларын ханш суларна гэсэн хүлээлттэй энэ оныг угтсан юм.

Түүнчлэн Дональд Трампын засаг захиргаа Венесуэлийн Ерөнхийлөгч Николас Мадурог баривчилсан нь геополитикийн тодорхойгүй байдлыг нэмэгдүүлж, ам.долларын ханшид эрсдэл учруулаад байна.

Хэдий тийм боловч АНУ-ын хөдөлмөр зах зээл шинжээчдийн таамагласан шиг ноцтой түвшинд сулраагүй тул Холбооны Нөөцийн банк бодлогын хүүг огцом бууруулахгүй гэсэн хүлээлт үүсэж, ам.долларын ханш чангараад байгаа юм. Холбооны Нөөцийн банк ээлжит мөнгөний бодлогын шийдвэрээ энэ сарын эцсээр танилцуулах товтой байна. 

Ам.долларын ханш энэ долоо хоногт түр хугацаанд өссөн нь Дональд Трампын эрин үед шинжээчид зах зээлийн чиг хандлагыг тааварлахад ямар хүндрэлтэй байгаагийн жишээ болж байна.

Зах зээлд ийнхүү тодорхойгүй байдал нэмэгдсэн тул шинжээчдийн жилийн таамаглал, төсөөлөл байнга өөрчлөгдөхийг “AGF Investments”-ийн шинжээчид онцолжээ.