(Bloomberg) --  “Nvidia”-ийн хөрөнгө оруулалттай “Nscale” компани хоёр тэрбум ам.долларын санхүүжилт татан төвлөрүүлэхээр хэлэлцэж буйг эх сурвалжууд мэдээллээ. Энэ нь тус компанийн өмнөх санхүүжилтийн үе дууссанаас ердөө гурван сар гаруйн дараа болохоор байна.

Энэ хүрээнд “Goldman Sachs Group” болон “JPMorgan Chase” компанитай хамтран ажиллаж байгааг эх сурвалж мэдээлжээ.

Их Британид төвтэй, дата төв хөгжүүлэгч тус компани нь IX-X сард “Nvidia” болон “OpenAI”-тай хамтран ажиллахаа зарласан юм. Үүний дараахан санхүүжилтийн хоёрдугаар үе шатаар нийт 1.5 тэрбум ам.долларыг татан төвлөрүүлжээ.

Яриа хэлэлцээ одоогоор үргэлжилж байгаа бөгөөд дээрх компаниудын төлөөлөгчид одоогоор тайлбар хийгээгүй байна.