(Bloomberg) -- Хүүхэд залуучууд, видео тоглоом сонирхогчид хамгийн ихээр хэрэглэдэг “Discord” платформ IPO хийхээр “Goldman Sachs Group” болон “JPMorgan Chase”-тай хамтран ажиллаж буйг ойрын эх сурвалж мэдээллээ.

2021 оны санхүүжилтийн үе шатны дараа тус компанийн зах зээлийн үнэлгээ 15 тэрбум ам.доллароор хэмжигдэж байсан юм. Өдгөө сар бүрийн идэвхтэй хэрэглэгчдийн тоо нь 200 сая даваад буйг 12 дугаар сарын тайландаа тодотгожээ.

Өнгөрсөн онд технологийн компаниуд АНУ-ын биржүүдэд IPO хийснээр нийт 15.6 тэрбум ам.доллар татан төвлөрүүлснийг Bloomberg-ийн цуглуулсан дата харуулж байна. Энэ нь 2024 оноос хоёр дахин өссөн үзүүлэлт болжээ.

Энэ онд “Discord”-оос гадна “Motive Technologies”, “Klook Technology” зэрэг платформ IPO хийх хүлээлттэй байгаа юм.