(Bloomberg) -- “Hyundai Motor”-ийн нэгж “Boston Dynamics” 2028 оноос эхлэн автомашины үйлдвэрлэлийн баазуудад ашиглагдах хүн дүрст роботоо танилцууллаа.

Эхний ээлжид “Atlas” роботыг автомашинд суурилуулах эд ангиудыг зөв дарааллаар өрөх зэрэг олон давтамжтай даалгавруудыг гүйцэтгэхэд ашиглана. Харин 2030 он гэхэд нарийн угсралтын ажилд нэвтрүүлэхээр төлөвлөж байгаагаа “Hyundai Motor” мэдээлэв.

“Atlas” хүн дүрст робот нь хүнтэй адил хэмжээтэй, хүрэх мэдрэмж, гар, бүрэн эргэх үе мөчтэй бүтээгджээ. Түүнчлэн 50 кг хүртэлх жин бүхий ачаа өргөх хүчин чадалтай.

“Hyundai Motor” компани АНУ дахь шинэ үйлдвэртээ жилд 30 мянган робот үйлдвэрлэхийг зорьж байгаа аж.