Д.Трампын тарифын улмаас энэ оны дөрөвдүгээр сард S&P 500 индекс огцом унасан ч удалгүй худалдааны хэлэлцээрүүд хийгдсэнээр эргэн сэргэж, зургадугаар сарын сүүл гэхэд хиймэл оюуны тэсрэлтийн нөлөөгөөр удаа дараалан дээд цэгээ шинэчилсэн юм.

Ингэснээр АНУ-ын хувьцаануудын ханшийн хэлбэлзлийг харуулдаг Cboe Volatility Index дөрөвдүгээр сарын эхэн үед 50 нэгжийн түвшинг давж, цар тахлын үеэс хойших дээд цэгтээ хүрчээ. Харин Д.Трамп улс орнуудад тогтоосон тарифыг гурван сарын хугацаанд хойшлуулсны дараа тус индекс 5 дугаар сард эргэн 20 нэгжийн түвшинд тогтворжсон юм.

АНУ-ын улс төрийн шинжтэй шийдвэрүүдээс үүдэн хөрөнгийн зах зээл сүүлийн жилүүдэд ийм хэмжээгээр огцом хэлбэлзсэн удаагүйг Truist Advisory Services компанийн Стратегич Кейт Лернер онцолсон.

Сүүлийн саруудад S&P 500 индексэд эргээд өсөлт давамгайлж, оны эхнээс 16 хувиар эрчимжээд байна. Үүнд компаниудын ашиг орлогын төсөөллүүд болон хиймэл оюунд чиглэсэн зарцуулалт нэмэгдсэн нь голчлон нөлөөлснийг салбарын шинжээчид мэдээлж байгаа. Ингэснээр тус индекс гурав дахь жилдээ хоёр оронтой тоогоор өсөх боломж бүрдсэнийг онцолж байна.