Тавантолгойн нүүрсний давхаргын метан хийн төслийг хэрэгжүүлэгч “Jade Gas Holdings” компани "Улаан нуур" талбайгаас гарган авч буй хийд метан хийн агууламж маш өндөр байгааг мэдээллээ.

Үйлдвэрлэлийн хоёр хэвтээ цооногоос гарсан хийд найрлагын нарийвчилсан шинжилгээ хийхэд метаны агууламж 97 хувиас дээш, харин нүүрстөрөгчийн давхар ислийн агууламж маш бага буюу нэг хувиас доош байжээ.

Метаны цэвэршлийн хувь өндөр байгаа нь төслийн олборлолтоосоо LNG буюу шингэрүүлсэн байгалийн хий, CNG буюу байгалийн шахсан хий үйлдвэрлэх “Jade Gas Holdings”-ийн гол зорилтод нийцэж байна. Цаашлаад метанол, устөрөгчийн боловсруулалт зэрэг химийн үйлдвэрлэлийн түүхий эд нийлүүлэх сонголт нээж өгч байгааг онцолжээ.