(Bloomberg) – АНУ-ын Холбооны Нөөцийн банк бодлогын хүүг бууруулсны дараа зэсийн ханш гурван хувиар өсөж, тонн нь 11,906 ам.доллар болсноор шинэ дээд түвшинд хүрлээ. Сүүлийн байдлаар тонн нь 11,872 ам.долларт тогтворжоод байна.

Холбооны Нөөцийн банк 2026 онд АНУ-ын эдийн засаг 2.3 хувиар өснө гэж өмнөх төсөөллөө ахиулсан юм. Мөн инфляц саарна гэж төсөөлж буй нь зэсийн зах зээлд эергээр нөлөөлөхөөр байна.

Үүнээс гадна зэсийн хэрэглээгээр тэргүүлэгч БНХАУ дотоодын эрэлтийг дэмжих бодлого хэрэгжүүлэхээ мэдээлсэн нь түүхий эдийн үнэд түлхэц болжээ.

2025 он гарсаар зэсийн ханш 35 орчим хувиар өсөөд байгаа юм. Тарифаас үүдэлтэй нийлүүлэлтийн хомсдолоос гадна томоохон уурхайнуудын үйл ажиллагаа доголдсон нь үнийн өсөлтөд голлон нөлөөлж байна.