(Bloomberg) -- “BHP Group” өрсөлдөгч “Anglo American”-ийг дахин худалдан авах санал тавьж, урьдчилсан хэлэлцээ хийснээ баталгаажуулсан ч “Anglo American” хэлцлээс татгалзсанаар хоёр компанийг нэгтгэх талаар дахин авч үзэхгүй гэж мэдэгдлээ.

“Anglo American” компани “BHP Group”-ийн тавьсан санал Канадын “Teck Resources”-той хийхээр төлөвлөж буй хэлцлээс давуу нөхцөлтэй биш гэж үзсэн тул хэлцлээс татгалзсан гэж ойрын эх сурвалж мэдээлсэн байна.

“BHP Group”-ийн хувьд ““Anglo American”-тай нэгдэх нь стратегийн давуу талууд бий болгох бөгөөд бүх хувьцаа эзэмшигчдэд өндөр ач холбогдолтой үнэ цэн авч ирнэ гэж үзэж байна. Хэдийгээр хэлцэл амжилтгүй болсон ч “BHP Group” өөрийн стратегид тулгуурлан органик өсөлтөө хадгалах өндөр боломжтой гэдэгтээ итгэлтэй байна" гэж даваа гарагт гаргасан мэдэгдэлдээ дурджээ.  Тус компани энэ удаад “Anglo American”-д ямар санал тавьсан талаар нарийн, дэлгэрэнгүй мэдээлэл өгөөгүй байна.

“Anglo American”-ийн зэсийн бизнес салбарын хамгийн том тоглогчдын дунд удаан хугацаанд худалдан авалтын бай болсоор ирсэн ч худалдан авагчдын хувьд “Anglo American”-ийн очир эрдэнэ, цагаан алт зэрэг харьцангуй жижиг хөрөнгийн багц худалдан авалт хийхэд саад болж байсан гэж хэлж болохоор байгаа юм. 

“BHP Group” энэхүү санал нь “Anglo American”-ийг худалдан авах сүүлчийн оролдлого байсан гэдгийг тодотгож, өөрийн бизнесээ өргөжүүлэхэд анхаарлаа хандуулна гэж мэдэгдсэн байна.

Гурван долоо хоногийн дараа “Anglo American” болон “Teck Resources”-ийн хувьцаа эзэмшигчид 60 тэрбум гаруй ам.долларын үнэлгээтэй томоохон зэсийн шинэ компани байгуулах гэрээнийхээ талаар санал хураалт явуулах юм. “Anglo American”-ийн зүгээс дээрх асуудлаар тайлбар хийхээс татгалзсан байна.

Aaron Kirchfeld, Thomas Biesheuvel, Dinesh Nair