(Bloomberg) -- “LVMH” групп ирэх 12 дугаар сард БНХАУ-д томоохон дэлгүүрүүдээ нээхээр бэлтгэж, цаашид тус зах зээлд тэлэх төлөвлөгөө боловсруулсныг ойрын эх сурвалж мэдээлжээ. Дэлхийн хоёр дахь том эдийн засагтай БНХАУ-ын зах зээлд борлуулалт сэргэх анхны дохионууд ажиглагдаж эхэлснийг тансаг брэндүүд онцолж буй.

Олон жилийн хөгжүүлэлтийн эцэст “LVMH”-ийн “Louis Vuitton”, “Dior”, “Tiffany”, “Loro Piana” гэсэн дөрвөн брэнд 12 дугаар сард Бээжинд шинэ дэлгүүрүүдээ нээхээр товлосон байна. Тэдгээрийн зарим нь “Swire Properties”-ийн өндөр зэрэглэлийн худалдааны цогцолбор “Taikoo Li Sanlitun”-д байршилтай байх аж.

Тансаг зэрэглэлийн зах зээлийн борлуулалт унаснаас шалтгаалан олон давхар дэлгүүрүүдийнх нь барилгын ажил удаашралтай байгааг өнгөрсөн онд тус компанийн ойрын эх сурвалж мэдээлж байв.

“LVMH” мөн Шанхай хот дахь “HKRI Taikoo Hui” худалдааны төвд “Christian Dior” брэндийнхээ шинэ дэлгүүрийг 2027 он гэхэд нээхээр “Swire” компанитай яриа хэлэлцээ хийж буйгаа мэдээлжээ.

Shirley Zhao