Багахангай-Хөшигийн хөндий чиглэлийн салбар төмөр замын бүтээн байгуулалтын санхүүжилтэд зориулж дотоодын зах зээлд богино хугацаатай  300 тэрбум төгрөгийн бонд гаргах тогтоол баталснаа Засгийн газар мэдээллээ.

Төслийн нэгдүгээр шатны бүтээн байгуулалтад нийт 850.4 тэрбум төгрөг шаардлагатай. Үүнээс гүйцэтгэлийн төлбөрт 156.2 тэрбум төгрөг шилжүүлсэн. Үлдэгдэл санхүүжилтийг Олон Улсын Санхүүгийн Корпорацтай (IFC) хамтран шийдвэрлэхээр ажиллаж буйг тодотгов. Санхүүжилт бүрэн шийдэгдэх хүртэлх шаардлагатай хөрөнгийн эх үүсвэрийг бондоор татан төвлөрүүлэхээр төлөвлөсөн байна.

Багахангай-Хөшигийн хөндий чиглэлийн гурван өртөө, дөрвөн зөрлөгтэй 87.2 км салбар төмөр замын бүтээн байгуулалтын ажилд дотоодын 63 аж ахуй нэгж, байгууллагын 2748 инженер, техникийн ажилтнууд ажиллаж байна. Одоогоор доод бүтцийн газар шорооны ажил 93.5 хувьтай, ус дамжуулах хоолойн ажил 81.4 хувьтай, гүүр барих ажил 84 хувийн гүйцэтгэлтэй байгаа аж.