(Bloomberg) -- БНХАУ-ын технологийн томоохон компаниуд экспортлогч аж ахуйн нэгжүүдээ дэмжиж, дотоодын зах зээлээсээ худалдан авагч олоход нь түншилж эхэлсэн байна. Тухайлбал: “JD.com” компани ирэх нэг жилийн хугацаанд 27.4 тэрбум ам.долларын бараа, бүтээгдэхүүнийг аж ахуй нэгжүүдээс худалдан авч, дотоодын зах зээлд борлуулахад нь тусална гэдгээ мэдэгджээ.

Мөн “PDD Holdings” компани түншлэгчдэдээ 100 тэрбум юань зарцуулахаар төлөвлөж байна. Харин “Baidu” нэг сая компанид үнэ төлбөргүй сурталчилгаа байршуулах боломж олгоно гэдгээ мэдэгдсэн аж.

Үүнээс гадна БНХАУ-ын Засгийн газрын зарцуулалтыг эрчимжүүлэх эдийн засгаа дэмжих багц арга хэмжээний үр дүнд өнгөрсөн сард тус улсын жижиглэн худалдааны борлуулалт 5.9 хувиар өссөнийг мэдээлсэн юм. Энэ нь 2023 оны 12 дугаар сараас хойших хамгийн хурдтай өсөлтөд тооцогдож байна.

Catherine Thorbecke