(Bloomberg) -- “Nissan Motor” компани гуравдугаар сараар эцэслэгдсэн санхүүгийн жилд 750 тэрбум иен буюу 5.3 тэрбум гаруй ам.долларын цэвэр алдагдал хүлээхээр байгаагаа хөрөнгө оруулагчдад анхаарууллаа. Борлуулалтын саадтай тулгарч, бүтцийн шинэчлэлд ихээхэн зардал гаргаж буй тус компанийн хувьд энэ нь урьд байгаагүй өндөр дүнтэй алдагдал болох юм.

Шинэчлэгдэлгүй удсан загваруудынхаа борлуулалтыг түргэтгэж, агуулахаас чөлөөлөх үүднээс “Nissan Motor” автомашинуудынхаа үнийг эрс хямдруулж буй нь алдагдалтай ажиллах гол хүчин зүйл болжээ. Шинжээчдийн хувьд компанийн жилийн алдагдал 112 тэрбум иен хүрнэ гэсэн дундаж төсөөлөлтэй байв.

Өнгөрсөн онд “Nissan Motor” нутаг нэгт “Honda Motor” компанитай нэгдэх яриа хэлэлцээ эхлүүлсэн ч хоёр компани санал зөрөлдсөнөөр энэ оны эхээр хэлэлцээ албан ёсоор зогсож, удалгүй “Nissan Motor”-ийн Гүйцэтгэх захирал Макото Учида ажлаа хүлээлгэн өгсөн юм. Ямар нэг түншлэл байгуулахгүй л бол компани "тэсэж үлдэхэд бэрх" болсныг тухайн үед тэрбээр анхааруулж байлаа.

Reed Stevenson