БНХАУ-ын Төрийн өмчит үл хөдлөх хөрөнгийн томоохон компани “Vanke” зээлийн хэмжээгээ нэмэгдүүлж, нэг тэрбум ам.доллар хүргэлээ.

Тус компани БНХАУ-ын банканд 1.2 тэрбум юань буюу 166 сая ам.долларын өр төлбөртэй байгаа аж. Өрөө төлж чадахгүй дефолт зарлахад ойрхон байсан ч нэмэлтээр зээл авч Чанжоу дахь үл хөдлөх хөрөнгийн төслөө хөгжүүлэхэд зарцуулна гэдгээ “Vanke” мэдээлжээ.

Нэгэн үе БНХАУ-ын бүтээн байгуулалтын салбарт тэргүүлэгч байсан “Vanke” компанийн санхүүгийн хүндрэл тус улсын үл хөдлөх хөрөнгийн салбар урт хугацаанд хүндхэн сорилтуудтай тулгарч буйг харуулж байна. БНХАУ-ын Засгийн газраас үл хөдлөх хөрөнгийн салбарыг дэмжиж, эрэлтийг нэмэгдүүлэх арга хэмжээ авахаа амлаад байгаа юм.