(Bloomberg) -- АНУ-ын Ерөнхийлөгч Дональд Трампын гаргасан нүүрс олборлолт, ашиглалтыг нэмэгдүүлэх захирамжийн хүрээнд тус улс дахь нүүрсний цахилгаан станцуудыг бохирдлын хатуу хяналт, зохицуулалтаас чөлөөлөхөөр болсон байна.

Дата төв, хиймэл оюуны өсөн нэмэгдэж буй эрчим хүчний хэрэгцээг хангахын тулд АНУ-ын шатах түлшний салбарын үйлдвэрлэлийг нэмэгдүүлэх зайлшгүй шаардлагатай гэж Дональд Трампын засаг захиргаа үзэж байгаа аж.

Өмнө нь Ерөнхийлөгч асан Жо Байдены засаг захиргааны шийдвэрээр АНУ-ын хүрээлэн буй орчин хамгааллын агентлаг нүүрсний цахилгаан станцуудын мөнгөн ус болон бусад бохирдуулагч металлын ялгарлыг хянах журам хэрэгжүүлж байсан юм. Энэ журам нь нүүрсний олон цахилгаан станцууд хаагдах эрсдэлд хүргэж байна гэж Цагаан ордон мэдэгдэлдээ дурджээ.

Шинэ зохицуулалтаар АНУ-ын нүүрсний 47 цахилгаан станц 2027-2029 оны хооронд бохирдлын журмаас чөлөөлөгдөхөөр болсон байна.

Ari Natter