“Samsung Electronics” компани нэгдүгээр сарын 17-нд Калифорни мужийн Сан Хосе хотноо болох шинэ загварын гар утсаа танилцуулах арга хэмжээгээ цахимаар шууд дамжуулахаар төлөвлөж байгаагаа мэдэгдлээ. Шинээр танилцуулах гар утас нь “Galaxy S24” байх магадлалтайг олонх таамаглаж байна.

Мөн тус компанийн танилцуулсан сурталчилгааны богино бичлэгт тэрхүү гар утасны талаар “Galaxy AI is coming” гэсэн бичиг гарч байгаа аж. Өөрөөр хэлбэл “Samsung Electronics” борлуулалтаа дараагийн шатанд хүргэх зорилгоор хиймэл оюуныг бүтээгдэхүүндээ нэвтрүүлэхийг зорьж байна.

“Counterpoint Research” байгууллагын таамагласнаар тус компани 2027 он гэхэд генератив хиймэл оюуны функцтэй нэг тэрбум гаруй ухаалаг гар утас зах зээлд нийлүүлнэ гэж үзжээ.