АНУ-ын Холбооны Нөөцийн банк бодлогын хүүгээ бууруулах хугацаагаа хойшлуулах магадлал өндөр байгаа энэ үед Азийн орнуудын Төв банк оны эцсээр л бодлогын хүүгээ бууруулах төлөвтэй байна гэж “Morgan Stanley”-ийн шинжээчид таамаглалаа. Тухайлбал: БНХАУ, БНСУ, Филиппин, Индонез зэрэг хөгжиж буй орнуудын Төв банк бодлогын хүүгээ бууруулах хугацаагаа хойшлуулах төлөвтэй байгааг дурдсан байна.

БНЭУ болон Малайз бодлогын хүүгээ он дуустал хэвээр хадгалахаар байгааг “Morgan Stanley”-ийн эдийн засагчид таамаглаж байгаа аж. 

Азийн орнуудын Төв банк өөрсдийн валютын ханшийг ам.долларын эсрэг огцом сулрахаас сэргийлж, АНУ-ын Төв банкнаас урьтаж бодлогын хүүгээ бууруулахгүй байхад анхаарч байгаа юм.