Сингапурт орон сууцны эрэлт саарч байгаатай зэрэгцэн макро эдийн засгийн төлөв тодорхойгүй байгаа нь дотоодын үл хөдлөх хөрөнгийн салбарт хүндрэл учруулна гэж тус улсын Үндэсний хөгжлийн сайд анхаарууллаа. Мөн геополитикийн хурцадмал байдал, бодлогын хүүгийн өсөлт ч давхар нөлөөлнө гэв.

Хонгконг зэрэг хотууд үл хөдлөх хөрөнгийн салбарын хямралаас сэргийлж байгаа бол Сингапур салбарын хэт эрчимжилтийг тогтворжуулах арга хэмжээ аваад байгаа аж. Өөрөөр хэлбэл тус улс үл хөдлөх хөрөнгийн салбарын бууралтад бэлтгэлтэй байгаа гэж хэлж болохоор байна.  

Тиймээс Сингапурын Үндэсний хөгжлийн сайд "Үл хөдлөх хөрөнгийн зах зээлийг хяналтдаа байлгаж, эдийн засгийн суурь үзүүлэлтээс давуулахгүйгээр тогтоон барихад шаардлагатай бүх арга хэмжээ авна" гэдгээ илэрхийллээ.