“Virgin Galactic Holdings” компани энэ оны II улиралд 4.22 сая ам.долларын борлуулалтын орлоготой ажилласнаа тайлагнасан нь шинжээчдийн таамгийг давлаа. Шинжээчид борлуулалтын орлого нь 3.36 сая ам.доллар байх болов уу гэж таамаглаж байжээ. Энэ нь өмнөх оны II  улирлаас бараг хоёр дахин өссөн дүн болж байна.

“Virgin Galactic Holdings”-ийн орлогыг сансрын аялал жуулчлал, судалгааны нислэгүүд, ирээдүйд сансарт аялах хүмүүсийн урьдчилгаа төлбөр бүрдүүлж байгаа аж.

Лхагва гарагт тус компанийн хувьцааны ханш Нью-Йоркийн биржид 2.3 хувиар өсөж, 5.39 ам.доллар хүрсэн байна.

“Virgin Galactic Holdings” арилжааны нислэгээ хамгийн сүүлд энэ оны зургаадугаар сард үйлдсэн юм. Тус компани зургаан хүний суудалтай шинэ сансрын хөлгөө танилцуулах хүртлээ үйлчилгээгээ түр зогсоогоод байгаа аж.