Австралийн Хөрөнгийн биржид бүртгэлтэй “Jade Gas Holdings” компани Хонгконгийн Хөрөнгийн биржид бүртгэлтэй “Mongolian Mining Corporation”-тай харилцан ойлголцлын санамж бичиг байгууллаа.

Талууд байгалийн хийн бүтээгдэхүүнийг уурхайн үйл ажиллагаа болон тээврийн чиглэлд ашиглахад хамтран ажиллахаар тохиролцсон байна. Цэвэр эрчим хүчний эх үүсвэрийг үйл ажиллагаандаа нэвтрүүлснээр зардлаа бууруулж, байгаль орчинд илүү ээлтэй байхад ач холбогдолтой гэж үзэж байгаа аж.

Энэхүү алхам нь “Jade Gas Holdings”-ийн хувьд байгалийн хийн олборлолт, борлуулалт хийхэд томоохон түлхэц болохоор байна гэж тайландаа дурджээ.