Монгол Улсын ЗГ-ын шинээр гаргах гэж буй 5.5 жилийн хугацаатай 350 сая ам.долларын бондын хүү урьдчилсан байдлаар 8.75 хувийн орчимд тогтоод байна.

“Bloomberg”-ийн тооцооллоор энэ нь Монгол Улсын Засгийн газрын бондын өгөөжийн муруйгаас 72.4 суурь нэгжээр өндөр түвшин болж байна.

Энэхүү бондоор татсан санхүүжилтээр 2024 онд төлөгдөх 8.75 хувийн купонтой “Хуралдай” бондыг хугацаанаас нь өмнө эргүүлэн худалдан авахыг зорьж байгаа юм. 

Монгол Улсын Засгийн газар олон улсын зах зээлд гаргасан “Government of Mongolia” бондын нэрлэсэн үнийг 100.00 ам.доллар тутамд 101.00 ам.долларын ханшаар хуримтлагдсан хүүгийн хамт буцаан худалдан авах болон шинээр гаргах бондоо солих саналыг хувьцаа эзэмшигчдэдээ хүргүүлээд байна.