Суурь металлуудын үнэ үргэлжлэн буурсаар байна. Тухайлбал: саяхан бүх цаг үеийн дээд түвшиндээ хүрээд байсан зэсийн үнэ үргэлжлэн буурсан бол хөнгөн цагааны үнэ сүүлийн хоёр жилийн дээд түвшинд хүрснээсээ хойш мөн л уналттай байна.

Аж үйлдвэрийн металлын зах зээл дэх огцом өсөлтийн дараа хөрөнгө оруулагчдад зарах сонирхол нэмэгдсэн нь суурь металлуудын үнэ буурахад нөлөөлж байгаа аж.

Компаниудын зүгээс ч мөн зэсийн үнэ тонн нь 11 мянга 100 ам.доллар хүрэхэд худалдан авалтаа багасгасан ч хэрвээ 9500 ам.долларын түвшин рүү буурвал эргэн худалдан авалтаа эрчимжүүлж магадгүй гэж шинжээчид үзэж байна.

Зэсийн үнэ Лондоны Металлын биржид сүүлийн байдлаар 2.9 хувиар унаж, тонн нь 10 мянга 159 орчим ам.доллароор арилжаалагдаж байна.

Харин хөнгөн цагааны үнэ тонн нь 2799 ам.доллар буюу 2022 оны зургаадугаар сараас хойших дээд түвшинд хүрсний дараа 2.7 хувиар унаад байгаа аж. БНХАУ нүүрстөрөгчийн ялгарлын зорилтоо биелүүлэхийн тулд аж үйлдвэрийн металл үйлдвэрлэлийн хүчин чадалд хяналт тавих арга хэмжээ авахаар болсны дараа хөнгөн цагааны үнэ ийнхүү унаад байгаа юм.