“Google” компани 499 ам.долларын үнэтэй “Pixel” гар утсаа шинэчилж,  таблетын үнээ 399 ам.доллар болгож буурууллаа.

“Apple” компани “iPad”-ийн шинэчилсэн загваруудаа танилцуулснаас хэдхэн цагийн дараа “Google” шийдвэрээ танилцуулсан нь анхаарал татаж байна.  Тус компани гар утас болон таблетын  зах зээлийн өрсөлдөөнд бусдаас хоцрохгүй гэсэн байр суурьтай байгааг харж болохоор байгаа юм.

“Google”-ийн андройд программ хангамжийг ихэнх салбарт ашигладаг ч “Pixel”-ийн бүтээгдэхүүнүүд нь төдийлөн амжилтад хүрэхгүй байна.

Олон жил “Apple”, “Samsung” болон БНХАУ-ын брэндүүдтэй өрсөлдөх оролдлогоо эрчимжүүлж байсан “Google”-ийн хувьд  сүүлийн үед энэ салбарт ахиц үзүүлж магадгүй байна гэж шинжээчид үзэж байгаа аж.