“OpenAI” компани хөрөнгө оруулагчдаас 6.5 тэрбум ам.долларын шинэ санхүүжилт босгож, зах зээлийн үнэлгээгээ 150 тэрбум ам.доллар хүргэхээр яриа хэлэлцээ хийж байгааг эх сурвалж мэдээллээ.

Үүний зэрэгцээ тус компани банкнуудын зээлээр дахин таван тэрбум ам.долларын санхүүжилт босгохоор яригдаж байгаа аж. Ингэснээр “OpenAI” дэлхийн хамгийн өндөр үнэлгээтэй стартапуудын нэг гэсэн байр сууриа баталгаажуулахаар байна.

Шинээр санхүүжилт босгох үйл явцад мэргэжлийн хөрөнгө оруулагч “Thrive Capital” давуу эрхтэй оролцохоор байгаа аж. Мөн “OpenAI”-ийн хамгийн том хөрөнгө оруулагч “microsoft” бас санхүүжилтэд оролцох бол “Apple” болон “Nvidia” компанитай энэ талд яриа хэлэлцээ үргэлжилж байгааг мэдээлжээ.