12 дугаар сарын эхээр Дубай хотноо болох “COP28” дээд хэмжээний уулзалтын үеэр НҮБ-ын хүнс, хөдөө аж ахуйн байгууллагаас дэлхийн дулаарлыг цельсийн 1.5 хэмд барих зорилтын хүрээнд дэлхийн хүнсний системийн замын зураглалыг танилцуулна.

Тэрхүү зураглалд амьтны гаралтай мах хэтрүүлэн хэрэглэдэг улс орнуудад махны хэрэглээгээ хязгаарлахыг зөвлөсөн байна. Харин махны дутуу хэрэглээ нь хоол тэжээлийн ихээхэн асуудалд хүргэж буй хөгжиж буй орнууд мал аж ахуйгаа сайжруулах шаардлагатай болно гэж НҮБ-аас мэдэгджээ.

Хүнсний систем нь дэлхийн хүлэмжийн хийн ялгарлын гуравны нэг орчим хувийг бүрдүүлдэг. Энэ ул мөрийн ихэнх хэсэг нь метан хий, ойгүйжилт, биологийн төрөл зүйлийн хомсдолын гол эх үүсвэр болох мал аж ахуйтай холбоотой аж.