Литийн үнэ жил гаруйн хугацаанд 80 орчим хувиар унаснаар 2023 оны цэвэр ашиг нь эрс буурсныг “Tianqi Lithium” болон “Ganfeng Lithium” компани өнгөрсөн мэдээллээ. 

Дээрх компаниуд богино хугацааны уналтыг үл хайхран, литийн үнэ урт хугацаандаа өснө гэсэн хүлээлттэй байна. Иймээс цэнэг хураагуурын гол түүхий эдийн нөөцөө цаашид ч нэмэгдүүлж, үйлдвэрлэлийн хүчин чадлаа өргөжүүлэхээр зорьж байгаагаа мэдээлсэн юм.

Литийн нийлүүлэлтийн хэтийн төлөв сайжирч, цахилгаан автомашины эрэлтийн өсөлт удааширч байгаа нь Австрали, АНУ-ын хэд хэдэн компанийг үйлдвэрлэл, зардлаа танахад хүргэж байгаа аж. Хэдий тийм боловч БНХАУ-ын компаниуд энэ хандлагыг няцааж байна.