ОХУ-ын “Gazprom” компанийн БНХАУ-д экспортолсон байгалийн хийн нэг өдрийн нийлүүлэлтийн хэмжээ бямба гарагт шинэ дээд амжилт тогтоосныг ОХУ-ын Эрчим хүчний яам мэдээллээ. Харин ОХУ-ын талаас БНХАУ-д нийлүүлсэн байгалийн хийн хэмжээгээ тодорхой зарлаагүй байна.

“Gazprom” компани "Сибирийн хүч" хийн хоолойгоор БНХАУ-д нийлүүлэх байгалийн хийн хэмжээгээ нэмэгдүүлэхээр ажиллаж байна гэж өнгөрсөн долоо хоногт мэдэгдэж байсан юм.

БНХАУ-ын “CNPC “компанитай байгуулсан байгалийн хий нийлүүлэх гэрээнд нэмэлт өөрчлөлт оруулснаар 11 дүгээр сарын дунд үеэс ОХУ нийлүүлэлтээ нэмэгдүүлэх боломжтой болсон байна.

“Gazprom” болон “CNPC” компаниуд "Сибирийн хүч-2" хийн хоолойгоор дамжуулан байгалийн хий нийлүүлэх нөхцөлийн талаар хэлэлцээ хийж байгаа аж. Талууд ойрын хугацаанд тохиролцоонд хүрч магадгүй гэж ОХУ-ын Ерөнхий сайдын орлогч Александр Новак мэдээллээ.