БНХАУ 2023 онд суурилуулсан нарны хавтангийн тоогоор бусад бүх улсыг илүүрхэж, дэлхийд аль хэдийн тасархай тэргүүлж буй сэргээгдэх эрчим хүчний нүсэр хүчин чадлаа улам ахиулжээ.

Тус улс өнгөрсөн онд нийт 216.9 гигаваттын нарны цахилгаан эх үүсгүүр нэмж суурилуулсан нь 2022 онд тогтоож байсан өмнөх дээд үзүүлэлт болох 87.4 гигаваттаас хол давсныг БНХАУ-ын Үндэсний эрчим хүчний удирдах газраас мэдээлсэн байна. Энэ нь нарны эрчим хүчний хоёр дахь том зах зээл АНУ-ын одоогоор суурилуулсан нийт хүчин чадал болох 175.2 гигаваттаас мөн давж буйг “BloombergNEF” тооцоолжээ. Хэдий тийм боловч суурилагдсан хүчин чадлыг БНХАУ хувьсах гүйдлээр, “BloombergNEF” тогтмол гүйдлээр нь хэмждэг тул энэ зөрүү бүр ч том гэсэн үг аж.

Үүнээс гадна БНХАУ 2023 онд 75.9 гигаваттын салхины эх үүсгүүр суурилуулсан нь мөн л түүхэн дээд үзүүлэлт болжээ.