“Meta Platforms” компани Холливудын оддын дуу хоолойг хиймэл оюуны төсөлдөө ашиглахаар олон сая ам.доллар санал болгож байна. Тус компани одоогоор Жуди Денч, Киган-Майкл Кей зэрэг жүжигчинтэй хэлэлцээр хийж байгаа юм.

“Meta Platforms” компанийн хувьд ирэх есдүгээр сард болох "Connect 2024" арга хэмжээндээ зориулан  хиймэл оюуны хэрэгсэл хөгжүүлэх үүднээс хэлэлцээрээ яаравчилж байгаа аж. Одоогоор “Meta” жүжигчдийн дуу хоолойг хэрхэн ашиглах нь тодорхойгүй байгаа ч “Apple”-ийн “Siri” шиг дижитал туслах хөгжүүлэхээр хэлэлцээ хийж байгаа гэсэн мэдээлэл гарчээ.

“Мeta Platforms” компани Холливудын жүжигчдийн төлөөлөлтэй тохиролцоонд хүрч чадахгүй байгаагаас хэлэлцээ үргэлжилсээр байна. Тус компани жүжигчдийн дуу хоолойг тодорхой хугацаанд ердөө нэг л төсөл дээр олон дахин ашиглах сонирхолтой байгаа аж. Харин жүжигчдийн төлөөлөл ашиглалт дээр хязгаарлалт тавихыг эрмэлзэж байгаа юм.