Төмрийн хүдэр олборлолтоор дэлхийд дөрөвдүгээрт бичигддэг “Fortescue” компанийн цэвэр ашиг зургаадугаар сараар эцэслэсэн 12 сарын хугацаанд 5.68 тэрбум ам.доллар болсон нь өмнөх оны мөн үеэс  гурван хувиар өссөн үзүүлэлт болохыг мэдээллээ. Энэ нь шинжээчдийн дундаж таамаглал болох 6.12 тэрбум ам.доллароос доогуур үзүүлэлт болж байна.

“Fortescue”-ийн хамгийн том худалдан авагч БНХАУ-д эрэлт буурснаар ашгийн түвшин нь шинжээчдийн таамагт хүрч чадсангүй.

Тайлант хугацаанд ажиллах хүч, шатахуун, тээвэрлэлт, гүйцэтгэгч компаниудын зардал нэмэгдсэн нь ашигт ажиллагаанд нь сөрөг нөлөө үзүүлснийг “Fortescue” мэдэгдэлдээ дурджээ.  

Тус компани төмрийн хүдрээс бусад таваарын олборлолтод өрсөлдөгч компаниудаас харьцангуй бага төрөлжсөн хэвээр байгаа юм.