Нэгдүгээр сард БНХАУ-ын үйлдвэрлэлийн салбарын "Caixin" индекс 50.8 нэгжид хүрсэн нь 2023 оны 12 дугаар сарынхаас өөрчлөлтгүй байж эдийн засагчдын таамагтай таарлаа.

Өөрөөр хэлбэл тус индекс сүүлийн гурван сар дараалан "тэлэлтийн" бүсэд ороод байна. "Caixin" индекс 50-иас дээш байх нь тэлэлт, доош ороход агшилтын бүсэд шилжсэнийг илэрхийлдэг.

Үүнд экспорт сүүлийн долоон сард анх удаа өсөж, дотоодод нь эрэлт нэмэгдсэнтэй холбоотой аж. Хэдий тийм боловч хөдөлмөрийн зах зээлд ажиллах хүчний асуудал хэвээр байгаа нь гол сорилт болсон хэвээр байна гэж шинжээчид онцолж байна.